Onte, a parroquia de Santiago de Vigo acollía unha celebración protagonizada por decenas de mozos e mozas diocesanas: a vixilia da Inmaculada Concepción, organizada polas delegacións de Pastoral Xuvenil e Pastoral Vocacional, a través da cal tamén se festexaba o Día do Seminario —xornada trasladada do 19 de marzo, ao 8 de decembro debido á pandemia do coronavirus—.
O acto comezou ás 19:30 da tarde cunha Eucaristía presidida polo nuncio apostólico en España Bernardito Cleopas Auza, quen acudiu á cidade para celebrar a misa de acción de grazas na Concatedral de Vigo que, o pasado mes de xullo, recibía o título de Basílica Menor por parte do papa Francisco. Xunto ao nuncio apostólico, o bispo de Tui-Vigo, Luís Quinteiro Fiuza, co-celebraba a misa.
Os mozos encargáronse de preparar cada detalle, desde os cantos ata a lectura da Palabra e a creación das peticións, nas que estiveron especialmente presentes as vocacións ao sacerdocio.
O bispo, Luís Quinteiro Fiuza, dedicou unhas palabras aos protagonistas da velada, convidándoos a dar un paso á fronte na Igrexa, na súa vocación, como a Virxe María no momento da Anunciación —cando o anxo Gabriel anúncialle que será a nai de Xesús, fillo de Deus—, cunha resposta firme e comprometida porque «a Salvación do mundo depende da resposta dos mozos ao Señor», explicou o pastor de Tui-Vigo.
Finalizada a misa, os mozos gozaron dun intre de adoración ante Xesús Eucaristía, guiada polo delegado de Pastoral Vocacional, Ángel Carnicero, quen, recollendo a testemuña do bispo de Tui-Vigo, incidiu na importancia de responder á vocación que Deus regala a cada mozo no ámbito concreto da súa vida, xa sexa ao sacerdocio, ao matrimonio ou á misión, seguindo o exemplo da Virxe María.
![IMG_1130](https://www.diocesetuivigo.org/wp-content/uploads/2020/12/IMG_1130-1024x683.jpg)
![IMG_1146](https://www.diocesetuivigo.org/wp-content/uploads/2020/12/IMG_1146-1024x792.jpg)
![IMG_1186](https://www.diocesetuivigo.org/wp-content/uploads/2020/12/IMG_1186-1024x683.jpg)
![IMG_1193](https://www.diocesetuivigo.org/wp-content/uploads/2020/12/IMG_1193-1024x731.jpg)
![IMG_1200](https://www.diocesetuivigo.org/wp-content/uploads/2020/12/IMG_1200-1024x683.jpg)
![IMG_1229](https://www.diocesetuivigo.org/wp-content/uploads/2020/12/IMG_1229-1024x683.jpg)
![IMG_1241](https://www.diocesetuivigo.org/wp-content/uploads/2020/12/IMG_1241-1024x565.jpg)
![IMG_1246](https://www.diocesetuivigo.org/wp-content/uploads/2020/12/IMG_1246-1024x688.jpg)
![IMG_1258](https://www.diocesetuivigo.org/wp-content/uploads/2020/12/IMG_1258-1024x683.jpg)
![IMG_1264](https://www.diocesetuivigo.org/wp-content/uploads/2020/12/IMG_1264-1024x683.jpg)
![IMG_1268](https://www.diocesetuivigo.org/wp-content/uploads/2020/12/IMG_1268-1024x694.jpg)
![IMG_1274](https://www.diocesetuivigo.org/wp-content/uploads/2020/12/IMG_1274-1024x683.jpg)
![IMG_1287](https://www.diocesetuivigo.org/wp-content/uploads/2020/12/IMG_1287-1024x676.jpg)
![IMG_1309](https://www.diocesetuivigo.org/wp-content/uploads/2020/12/IMG_1309-1024x662.jpg)
![IMG_1319](https://www.diocesetuivigo.org/wp-content/uploads/2020/12/IMG_1319-1024x683.jpg)
![IMG_1344](https://www.diocesetuivigo.org/wp-content/uploads/2020/12/IMG_1344-1024x766.jpg)
![IMG_1346](https://www.diocesetuivigo.org/wp-content/uploads/2020/12/IMG_1346-1024x628.jpg)
![IMG_1351](https://www.diocesetuivigo.org/wp-content/uploads/2020/12/IMG_1351-1024x722.jpg)
![IMG_1353](https://www.diocesetuivigo.org/wp-content/uploads/2020/12/IMG_1353-1024x767.jpg)
![IMG_1357](https://www.diocesetuivigo.org/wp-content/uploads/2020/12/IMG_1357-1024x749.jpg)
![IMG_1358](https://www.diocesetuivigo.org/wp-content/uploads/2020/12/IMG_1358-1024x600.jpg)
![IMG_1378](https://www.diocesetuivigo.org/wp-content/uploads/2020/12/IMG_1378-1024x672.jpg)
![IMG_1382](https://www.diocesetuivigo.org/wp-content/uploads/2020/12/IMG_1382-1024x687.jpg)
![IMG_1385](https://www.diocesetuivigo.org/wp-content/uploads/2020/12/IMG_1385-1024x692.jpg)
![IMG_1389](https://www.diocesetuivigo.org/wp-content/uploads/2020/12/IMG_1389-1024x758.jpg)