Como cada ano, con motivo do Día de la Iglesia Diocesana, o secretariado para o Sostemento da Igrexa da Conferencia Episcopal Española e a diocese de Tui-Vigo publican a revista Nuestra Iglesia, para dar conta da actividade pastoral, social e económica da diocese. Estes datos tamén se poden atopar na web diocesana.
O Día de la Iglesia Diocesana, que este ano celebramos o 12 de novembro, é unha oportunidade para agradecer o que a Igrexa é e o que a Igrexa fai. Coa revista A nosa Igrexa, a diocese de Tui-Vigo dá conta dos datos da súa actividade celebrativa, pastoral, evanxelizadora, educativa, cultural e caritativa-social, á vez que agradece o tempo, as calidades, a oración e o apoio económico do pobo de Dios.
