Acompañado por familiares, amigos e algúns sacerdotes da diocese de Tui-Vigo, o sábado 22 de xuño, na catedral de Lugo, o mozo Santiago Lillo, natural de Vigo e membro do Camiño Neocatecumenal, recibiu o sacramento da Orde Sacerdotal de mans do bispo lucense, Mons. Alfonso Carrasco, quen, durante a súa intervención, destacou que o sacerdote está chamado a «facer presente ao Señor, no medio da súa Igrexa, para que a Igrexa exista, para que os cristiáns resistamos».
![](https://www.diocesetuivigo.org/wp-content/uploads/2024/06/santiago-lillo-sacerdote-02-camino-neocatecumenal.jpeg)
Santiago Lillo naceu en Vigo en 1998. Entrou ao seminario diocesano e misioneiro Redemptoris Mater de Ourense no curso 2015-2016 e, posteriormente, pasou ao seminario Redemptoris Mater de Lugo cando este se fundou, en 2016.
Realizou os estudos eclesiásticos no Instituto Teolóxico Lucense. Terminados estes, viviu a súa etapa de misión na diocese de Córdoba (España) e no vicariato apostólico de Pando (Bolivia).
Recibiu a ordenación diaconal de mans do bispo de Lugo, o 11 de decembro de 2023. Exerceu parte do seu ministerio diaconal no santuario do Corpiño.
![](https://www.diocesetuivigo.org/wp-content/uploads/2024/06/santiago-lillo-ordenacion-03-2024-1024x768.jpg)
![](https://www.diocesetuivigo.org/wp-content/uploads/2024/06/santiago-lillo-ordenacion-04-2024-1024x768.jpg)
![](https://www.diocesetuivigo.org/wp-content/uploads/2024/06/santiago-lillo-ordenacion-2024-1024x768.jpg)
![](https://www.diocesetuivigo.org/wp-content/uploads/2024/06/santiago-lillo-ordenacion-02-2024-1024x768.jpg)