A delegación de Pastoral Familiar de Tui-Vigo, en colaboración co Instituto da Familia de Ourense, presenta unha nova edición do libro Conectando Generaciones, que recolle 25 historias —23 escritas e 2 ilustradas— de diferentes alumnos dos colexios San José de Cluny, Santiago Apóstolo e Don Bosco da diocese de Tui-Vigo. A estas 25 testemuñas súmanse outras 14 pertencentes ás dioceses de Lugo e Ourense.
O acto de presentación levará a cabo no salón de actos do Colexio San José de Cluny ás 18:00 horas do xoves 30 de setembro. Durante este encontro, algúns dos mozos e maiores participantes darán testemuño desta experiencia que uniu xeracións. Tamén se fará entrega do libro en formato papel e dixital.
O proxecto «Conectando Xeracións» promovido polo Instituto da Familia de Ourense busca a participación de mozas de entre 15 e 24 anos que queiran entrevistar a persoas maiores de 65 anos acerca da súa vida e experiencia para, posteriormente, elaborar un relato co que homenaxear e dar visibilidade á riqueza biográfica dos nosos maiores.
Nesta ocasión, con motivo das medidas de seguridade estipuladas para protexer aos colectivos máis vulnerables fronte á Covid-19, os mozos que participaron tiveron a oportunidade de entrevistar aos seus propios avós, recollendo o seu testemuño nunha narración que se atopa dentro desta nova edición do libro.