O sábado 22 de xullo, o templo parroquial de San Salvador de Nogueira acolleu a celebración diocesana, organizada pola delegación de Pastoral Familiar, da III Xornada Mundial dos Avós e Maiores, que presidiu o bispo de Tui-Vigo, Mons. Luís Quinteiro, e que o papa Francisco convocou baixo o lema «O seu misericordia esténdese de xeración en xeración».
Nesta ocasión, o santo pai quere expresar a relación entre esta xornada dos avós e a Xornada Mundial da Mocidade que terá lugar en Lisboa, do 1 ao 6 de agosto: «o Señor espera que os mozos, ao atoparse cos anciáns, acollan a chamada a custodiar a memoria e recoñezan, grazas a eles, o don de pertencer a unha historia máis grande. A amizade cunha persoa anciá axuda ao mozo a non reducir a vida ao presente e a lembrar que non todo depende das súas capacidades».
En xaneiro de 2021, o papa Francisco instituíu a Xornada Mundial dos Avós e dos Maiores que se celebrará en toda a Igrexa o cuarto domingo de xullo, próxima á conmemoración da festa litúrxica de Santo Xoaquín e Santa Ana, avós de Xesús. O Dicasterio para os Laico, a Familia e a Vida da Santa Sede é o responsable da organización e promoción desta xornada.
