O prazo de matrícula continúa aberto para obter a titulación da aula Teolóxica para Laicos, un curso de formación teolóxico-pastoral de nivel universitario para catequistas profesores de relixión, axentes de pastoral ou laicos en xeral. A inscrición finalizará o 28 de setembro. Os interesados deben poñerse en contacto a través do correo electrónico, xanxog@hotmail.com, ou chamando ao 660 257 548.
A través desta formación, os alumnos obteñen tamén a Declaración Eclesiástica de Competencia Académica ( DECA) para a docencia en Educación Infantil e Primaria, ESO, Bacharelato e Formación Profesional de Grao Medio. Para iso será necesario presentar as titulacións en Estudos Teolóxicos, Maxisterio ou Ciencias Relixiosas.
Toda a información acerca de horarios, requisitos de matriculación e plan de estudos pode atoparse na web do Instituto Teolóxico San Xosé.
