O 23 de febreiro de 2021, a diocese de Tui-Vigo, no seu compromiso por promover a plena credibilidade do anuncio evanxélico e a eficacia da misión da Igrexa, constituíu a Comisión Abeiro para a protección e acompañamento de menores e adultos vulnerables, seguindo así as recomendacións que o papa Francisco publicou na carta apostólica Vos estis lux mundi (VELM), en maio de 2019.

Na carta, o Santo Padre sinala que «os delitos de abusos sexuais ofenden ao noso Señor, causan danos físicos, psicolóxicos e espirituais ás vítimas, e prexudican á comunidade dos fieis. Para que estes casos, en todas as súas formas, non ocorran máis, necesítase unha continua e profunda conversión dos corazóns, acompañada de accións concretas e eficaces que involucren a todos na Igrexa».