Enténdese por compliance  —en español, cumprimento normativo— as medidas que adopta unha institución ou empresa para garantir que se acatan as normas que regulan a súa actividade e que preveñen posibles situacións, sancións ou delitos que acaban por afectar á súa reputación.

En España, o concepto entra en vigor a partir do ano 2010, coa reforma do Código penal que introduce a responsabilidade penal das persoas xurídicas; en 2015, unha nova revisión do Código penal introduce unha modificación que obriga ás institucións para contar con plans de prevención de riscos penais, así como un órgano responsable da súa verificación.

O obxectivo do compliance é propoñer e fomentar unha conduta ética na diocese que promova a relación de confianza entre os seus membros, que favoreza unha prestación de servizos baseado no respecto e a dignidade da persoa e que dea prioridade  ao cumprimento normativo, porque os que representan á Igrexa, teñen que facelo de maneira fiel, auténtica e bondadosa.

Para alcanzar este obxectivo, a diocese de Tui-Vigo desenvolveu un «Código de conduta», que proporciona unha folla de ruta e unha guía na que se inclúen os protocolos existentes. Este documento recolle as normas e comportamentos que han de seguir os membros da institución; con iso, bríndaselles un marco de seguridade ás súas accións, e prevéñense  actuacións que poidan ser de natureza delituosa.

O encargado de velar pola difusión do «Código de conduta» entre todo o persoal será o compliance officer designado polo bispo. Esta tarefa foi encomendada ao bufete Gándara Moure, S.A.