A diocese de Tui-Vigo mobilízase para responder á chegada dos refuxiados ucraínos

O luns 14 de marzo reuníronse na sede de Cáritas Diocesana de Tui-Vigo un grupo de sacerdotes, relixiosos e laicos da diocese co fin de elaborar unha estratexia de acollida e acompañamento de persoas refuxiadas procedentes do conflito armado que se está desenvolvendo en Ucraína. O grupo estaba formado por Gonzalo  Davida, director de Cáritas; Inmaculada  Tombilla, coordinadora de Cáritas; Alberto Montes, delegado de Migracións; Javier Alonso, delegado de Acción Social; Alfredo Fernández, delegado de Vida Consagrada; Manuel González   OFM e a  hna. Inmaculada Fernández como representantes de  CONFER;  José Vidal, vigairo de Pastoral; e Jesús  M Carracedo, vigairo de Economía.

Tras iniciar a reunión cun momento de oración, representantes da delegación diocesana de Cáritas de Tui-Vigo entregaron aos reunidos o material informativo desenvolvido por Cáritas española e explicaron cales son os criterios de actuación no ámbito da acollida e o acompañamento de refuxiados. Tal e como explicaron, trátase dun labor subsidiario, pois as vías de entrada para garantir a documentación e o coidado das persoas realizarase a través das autoridades. Máis aló da oferta que se pode realizar de espazos  habitacionais dispoñibles no territorio diocesano que poidan garantir unha estancia de calidade humana e  perdurable no tempo, urxe buscar medios adecuados para o coidado e atención material —sabendo que os gastos xerados nestes espazos serán sufragados polas autoridades— pero tamén os coidados de acompañamento, coidados espirituais e de saúde mental.

Desde a  CONFER e a delegación de Vida Consagrada, explicaron que moitas congregacións están a traballar en Ucraína e nos países aos que acoden refuxiados, por iso proponse estudar entre as congregacións os espazos dispoñibles e as condicións nas que se atopan, así como as disposicións dos superiores e provinciais sobre esta cuestión. Tamén desde a diocese de Tui-Vigo, os vicarios presentes na reunión manifestaron a intención de estudar a dispoñibilidade de espazos diocesanos para esta acollida de refuxiados.

No que vai de tempo desde que comezou o conflito en Ucraína, Cáritas, a través da campaña «Cáritas con Ucraína», comezou a recollida de donativos que son enviados directamente a Cáritas Internacional para sufragar as actividades que se realizan na zona; a data de luns, a institución  caritativa logrou recadar 14 mil euros. Ademais, Cáritas diocesana, coordinada coa delegación de Migracións, estudará a xestión de voluntarios que poidan acoller e acompañar na escoita a todos os refuxiados que cheguen ao territorio eclesial da diocese.

As diferentes institucións representadas na reunión acordaron que é importante facilitar o acceso a servizos relixiosos nas parroquias —especialmente en Santo Tomei de Freixeiro a través da comunidade ortodoxa presenten na cidade de Vigo—. Para iso tamén se está valorando recompilar información sobre a dispoñibilidade de tradutores que poidan contribuír á participación do culto. 

Á espera de respostas as diferentes institucións da Igrexa continuarán configuran os traballos para acoller e acompañar a todos os refuxiados que cheguen á diocese de Tui-Vigo.