Co obxectivo de achegar o seu coñecemento á comunidade diocesana, o Fogar-Clínica Santo Rafael —Vigo— e o centro das Escravas da Virxe de Dores —Mos e Crecente—, en colaboración coa diocese de Tui-Vigo, ofertan catequese para persoas con discapacidade intelectual que desexen educarse na fe e, a partir de aí, recibir vos sacramentos de iniciación cristiá —Bautismo, Eucaristía e Confirmación—. Para levar a cabo este proxecto, tamén buscan voluntarios que queiran formarse para converterse en catequistas especializados en educar na fe a estas persoas.
Ángeles Iglesias, traballadora e responsable deste proxecto no centro das Escravas da Virxe Dolorosa, explica que, tras contactar o primeiro contacto, «cítase aos interesados a unha entrevista previa na que se fará un plan personalizado para cada persoa, en función das necesidades e os obxectivos que queren conseguir». Unha vez solicitada esa información, ofreceranse os apoios necesarios para que esa persoa poida educarse na fe dunha maneira normalizada cun grupo afín, porque «o prioritario é sempre vincularse coa parroquia de orixe e así integrarse nun grupo próximo á súa casa».
Para poder levar a cabo o proxecto, especialmente a integración nas comunidades parroquiais, necesítase a colaboración de voluntarios, que impartan a formación tendo en conta o plan personalizado desenvolvido previamente. Os catequistas que decidan sumarse a esta iniciativa contarán co apoio dos profesionais especialistas do HC Santo Rafael e do centro das Escravas da Virxe Dolorosa que les guiarán e axudarán neste proceso. Ángeles aclara que «non se necesita nada especial, pero si hai que ter en conta que todas as persoas somos diferentes e que cada un ten ritmos distintos».
As familias con persoas con discapacidade intelectual ou as persoas voluntarias que desexen impartir estas catequeses poden contactar co Fogar-Clínica Santo Rafael, a través do teléfono 986 232 740, ou co centro das Escravas da Virxe Dolorosa, mediante o número 986 330 559.
Escoita a entrevista con Ángeles Iglesias a partir do minuto 12:25
