Coa campaña «Contra a fame», este ano 2024, Mans Unidas quere poñerse á beira dos chamados «descartados climáticos», aqueles que son máis vulnerables á variación e os efectos cambiantes do clima, a pesar de ser os que menos contribuíron a el. Baixo o lema «O Efecto Ser humano», quere concienciar de que os malos tratos ao planeta ten consecuencias maiores alén do mundo, e destacar ese dobre poder do ser humano para transformalo: para ben e para mal. Somos «a única especie capaz de cambiar o planeta».
Neste ano 2024, Mans Unidas, a organización de la Iglesia católica en España para a loita contra a pobreza que sofren os pobos máis excluídos do planeta, proponse o reto de alcanzar «un planeta sostible, sen pobreza, fame nin desigualdade», é dicir, unha casa común na que poidamos vivir con dignidade todos os seres humanos. Durante o quinquenio 2023-2027, Mans Unidas quere renovar o seu compromiso de seguir loitando pola dignidade de todas as persoas e liberar á humanidade da pobreza, da fame e da desigualdade, no marco da Axenda 2030 e dos ODS.
Na actualidade, Mans Unidas aprobou 488 proxectos de desenvolvemento en 55 países de África, América e Asia, o que supón unha axuda directa a 1.756.037 de persoas, grazas á colaboración de 73.100 socios. Conta con 72 delegacións repartidas por España, nas que colaboran máis de 6 mil voluntarios.
