A viguesa sor Diana da Eucaristía López Chavanel, acompañada dos seus familiares e amigos, dará o si definitivo como irmá da congregación de San José de Cluny, o sábado 27 de agosto, ás 18 horas, cun acto de consagración perpetua que terá lugar na capela do colexio que a súa congregación relixiosa ten en Vigo.
Sor Inmaculada Cantou, superiora da comunidade viguesa, explica que «durante moito tempo coñecida como “Diana de Cluny, de toda a vida”: alumna, do coro, colaboradora en todas as campañas e actividades, adestradora dos equipos de fútbol sala, asociada laica, mestra… Coñecer a limitación na enfermidade provocou un punto de inflexión no sentido da súa vida e da súa entrega que lle levou a pedir ser admitida na congregación de San José de Cluny. Aos seus 42 anos, Sor Diana da Eucaristía López Chavanel, dá o si definitivo á súa consagración a Deus na institución que, como di ela, levoulle a Cristo e na cidade olívica, lugar que a viu crecer e descubrir o soño de Deus para a súa vida».
Sobre sor Diana da Eucaristía López
Diana naceu en Las Palmas de Gran Canaria en 1980. Viguesa de adopción, é a maior de 4 irmáns, antiga alumna de San José de Cluny, apaixonada da música e do deporte, mestra e adestradora de fútbol sala. Ingresou no noviciado da Congregación no ano 2014, despois dunha experiencia misioneira coas irmás da Prata (Arxentina) e coa comunidade do Colexio de S. José de Cluny en Pozuelo. En xullo 2016, realizou a profesión relixiosa como relixiosa da congregación tamén na capela do colexio vigués.
