O vindeiro domingo 30 de xaneiro, ás 18:30 horas, as delegacións de Pastoral da Saúde de Galicia organizan un encontro de profesionais sanitarios na Casa de Exercicios Diocesana «Via Lucis», para establecer un diálogo con Alberto Cano SJ, psiquiatra e autor do libro Bajo la bata: Hacer pastoral con sanitarios hoy. Tras o relatorio, haberá un momento de acción de grazas mediante a celebración da eucaristía que comezará ás 20 horas.
Os interesados en asistir deberán inscribirse previamente a través dos seguintes números de contacto: 608 28 06 55 ou 619 67 64 00.
Sobre o autor
Naceu en Valladolid, en 1986. É xesuíta e psiquiatra. Levou a cabo a súa formación como médico interno residente no Hospital Universitario A Paz de Madrid. É coautor, xunto a Álvaro Lobo Arranz S. J., do libro Más que salud. Cinco claves de espiritualidad ignaciana para ayudar en la enfermedad (Sal Terrae, 2018); e autor de Ayudar: una psicodinámica de los genuino y los sospechoso en las relaciones de ayuda (Sal Terrae, 2020) y Bajo la bata: Hacer pastoral con sanitarios hoy (Sal Terrae, 2021).
Bajo la bata: Hacer pastoral con sanitarios hoy (Sae Terrae, 2021)
As profesións sanitarias poden ser trampolín privilexiado e camiño aberto cara a Deus. Enfermeiros, auxiliares, médicos, psicólogos e celadores asómanse ao misterio profundo do ser humano que sofre e ama. E por iso estalles concedido rozar o misterio mesmo de Deus. Ser sanitario –en clave crente– é ao mesmo tempo transitar cara a Deus e deixarse alcanzar por el. Neste libro Alberto Cano SJ ofrece un marco para a reflexión e acción pastoral entre o colectivo sanitario. Porque non só poden ser vistos como axentes, senón tamén como receptores da evanxelización.
