«Domingos de Pascua» é un programa creado pola produtora BoscoVision ProduCinema, a cargo do sacerdote salesiano Anxo Fernández Prado, que consta de cinco vídeos cunha duración de cinco minutos sobre o tempo litúrxico da Pascua. Nesta ocasión, o programa mostra unha reflexión de Mons. D. Luís Quinteiro Fiuza, bispo da Diocese de Tui-Vigo, sobre a celebración da Ascensión do Señor.
Esta iniciativa está dedicada a todas as persoas (nenos, adolescentes, novos, adultos e anciáns), sobre todo a persoas que están impedidas en casa e que non poden participar cada domingo na Eucaristía, persoas enfermas nas casas ou nos hospitais, persoas medorentas que viven este momento do Covid.
