A Oficina de prensa do Vaticano informou das celebracións que presidirá o Papa durante a Semana Santa.
As cerimonias litúrxicas desenvolveranse seguindo as medidas restritivas sanitarias pola pandemia cunha presenza limitada de fieis no «respecto das medidas sanitarias previstas». Un exemplo diso, será a ausencia do xentío de fieis que normalmente enchía a Praza de San Pedro, e o Coliseo, na Semana Maior.
O Pontífice celebrará os ritos da Semana Santa no Altar da Cátedra, na Basílica de San Pedro, e o Venres Santo presidirá o Via Crucis desde a Praza de San Pedro.
Domingo de Ramos
O 28 de marzo, Domingo de Ramos e da Paixón do Señor, o Papa presidirá a celebración da Conmemoración da entrada do Señor en Xerusalén e Santa Misa, ás 10:30 da mañá.
Triduo Pascual
Polo que se refire ao Triduo Pascual, o xoves 1 de abril ás 10:00 da mañá terá lugar a Santa Misa Crismal, presidida polo Pontífice.
Ás 18:00, non está previsto que o Santo Pai presida a Santa Misa na Cea do Señor, in Coena Domini; no seu lugar presidirá a cerimonia litúrxica o cardeal Giovanni Battista Re, Decano do Colexio Cardinalicio.
Mentres que o 2 de abril, Venres Santo, ás 18 horas, terá lugar a Celebración da Paixón do Señor. Ese mesmo día, ás 21 horas, o Pontífice presidirá o Via Crucis na Praza de San Pedro. Este ano, segundo informou o director da Oficina de Prensa vaticana, Matteo Bruni, a preparación das meditacións foi confiada ao Grupo Scout Agesci «Foligno» de Umbria, e á Parroquia Romana dos Santos Mártires de Uganda.
Serán de particular atención as imaxes que acompañarán as distintas estacións, debuxos feitos por mozos da Casa Famili «Mater Divini Amoris» e de Cásaa Familia “Tetto Casal Fattoria”, ambas as romanas, a primeira seguida e administrada polas Fillas da Virxe do Divino Amor, e a segunda por unha asociación de voluntarios.
No que respecta a a Vixilia Pascual na Noite Santa, celebrarase o Sábado Santo, 3 de abril ás 19:30.
Domingo de Pascua e Bendición
Finalmente, a Oficina das Celebracións Litúrxicas do Sumo Pontífice deu a coñecer que a Santa Misa do día, do Domingo de Pascua e da Resurrección do Señor celebrarase o 4 de abril ás 10 da mañá. Ao final da Santa Misa o Santo Pai impartirá a bendición «Urbi et orbi». Ao día seguinte, Luns do Anxo, o Papa presidirá o rezo do Regina coeli, desde a Biblioteca do Palacio Apostólico
