A Diocese de Tui-Vigo quixo agradecer o servizo que, durante máis de 150 anos, prestaron as Fillas da Caridade na zona do Berbés de Vigo, á fronte do Comedor Social da Esperanza, aínda que a súa obra continúa a través do Celexio Plurilingüe El Niño Jesús de Praga. Con tal motivo, o bispo de Tui-Vigo, Luís Quinteiro Fiuza, presidiu a Eucaristía na que as irmás da Compañía de San Vicente de Paúl celebraban a súa festa grande, a Virxe da Milagrosa.
A celebración foi acollida na parroquia do Sacro Corazón de Jesús, que completou un aforo reducido a un terzo da súa capacidade —para cumprir coas restricións estipuladas pola administración pública, o pasado 9 de novembro— cinco minutos antes de comezar a Eucaristía.
O bispo de Tui-Vigo, Luís Quinteiro, agradeceu a entrega e o labor excepcional que, durante todos estes anos, realizaron as Fillas da Caridade a través da súa obra e o seu carácter misioneiro, creando un espazo de servizo e de acollida tanto para crentes, como para non crentes porque, tal e como declarou, «a caridade non ten signo, nin exclusividade». A pesar da súa partida, Mons. Quinteiro manifestou a necesidade de continuar abríndose á sociedade, recollendo a testemuña que as irmás vicentinas deixan tras de si.
Tras o momento da Comuñón, sor Fernanda, ata o de agora directora do Comedor da Esperanza, agradeceu en nome da comunidade o traballo e a colaboración da Diocese, tanto dos segrares como dos sacerdotes.
Finalmente, Jesús Carracedo, vigairo de economía de Tui-Vigo e párroco do Sagrado Corazón de Jesús, entregoulles un obsequio en nome de toda a Igrexa de Tui-Vigo: un cadro cunha pintura da fachada do Comedor da Esperanza e escultura de dúas mans suxeitando unha corda que, tal e como explicou o vigairo diocesano de economía, representa o labor realizado polas irmás de ser corda á que aferrarse e mans capaces de empuxar en momentos de fraxilidade.
Tamén o padroado da Fundación Casa Caridad e Hogar San José sumouse ao acción de grazas ao termo da celebración.
![IMG_1030](https://www.diocesetuivigo.org/wp-content/uploads/2020/11/IMG_1030-768x512.jpg)
![IMG_1028](https://www.diocesetuivigo.org/wp-content/uploads/2020/11/IMG_1028-768x495.jpg)
![IMG_1025](https://www.diocesetuivigo.org/wp-content/uploads/2020/11/IMG_1025-768x512.jpg)
![IMG_1020](https://www.diocesetuivigo.org/wp-content/uploads/2020/11/IMG_1020-768x543.jpg)
![IMG_1014](https://www.diocesetuivigo.org/wp-content/uploads/2020/11/IMG_1014-768x467.jpg)
![IMG_1007](https://www.diocesetuivigo.org/wp-content/uploads/2020/11/IMG_1007-768x511.jpg)
![IMG_0981](https://www.diocesetuivigo.org/wp-content/uploads/2020/11/IMG_0981-768x512.jpg)
![IMG_0954](https://www.diocesetuivigo.org/wp-content/uploads/2020/11/IMG_0954-768x648.jpg)
![IMG_0951](https://www.diocesetuivigo.org/wp-content/uploads/2020/11/IMG_0951-768x512.jpg)
![IMG_0946](https://www.diocesetuivigo.org/wp-content/uploads/2020/11/IMG_0946-768x444.jpg)
![IMG_0943](https://www.diocesetuivigo.org/wp-content/uploads/2020/11/IMG_0943-768x512.jpg)
![IMG_0940](https://www.diocesetuivigo.org/wp-content/uploads/2020/11/IMG_0940-768x512.jpg)
![IMG_0917](https://www.diocesetuivigo.org/wp-content/uploads/2020/11/IMG_0917-768x548.jpg)
![IMG_0912](https://www.diocesetuivigo.org/wp-content/uploads/2020/11/IMG_0912-768x535.jpg)
![IMG_0909](https://www.diocesetuivigo.org/wp-content/uploads/2020/11/IMG_0909-768x463.jpg)
![IMG_0907](https://www.diocesetuivigo.org/wp-content/uploads/2020/11/IMG_0907-768x453.jpg)
![IMG_0894](https://www.diocesetuivigo.org/wp-content/uploads/2020/11/IMG_0894-768x499.jpg)
![IMG_0883](https://www.diocesetuivigo.org/wp-content/uploads/2020/11/IMG_0883-768x496.jpg)
![IMG_0880](https://www.diocesetuivigo.org/wp-content/uploads/2020/11/IMG_0880-768x512.jpg)
![IMG_0874](https://www.diocesetuivigo.org/wp-content/uploads/2020/11/IMG_0874-768x486.jpg)
![IMG_0865](https://www.diocesetuivigo.org/wp-content/uploads/2020/11/IMG_0865-768x448.jpg)
![IMG_0857](https://www.diocesetuivigo.org/wp-content/uploads/2020/11/IMG_0857-768x484.jpg)
![IMG_0846](https://www.diocesetuivigo.org/wp-content/uploads/2020/11/IMG_0846-768x512.jpg)